ಭೂರಮೆಯ ಸಿಂಗಾರ
ಹಸಿರು ವನ ಬಂಗಾರ
ಮಳೆಹನಿಯ ಪನ್ನೀರ
ರವಿ ಬೆಳಕೆ ಸಿಂಧೂರ
ಎಲೆಯೆಲೆಯಲೂ ಸೊಬಗು
ಮಗುವಿನ ನಗುವಿನ ಬೆಡಗು
ಸುತ್ತಲೂ ಚೆಲ್ಲಿದೆ ಬೆಳ್ಳಿ ಬೆಳಗು
ಮುತ್ತಿನಂತ ಹನಿಯ ಮೆರಗು
ಮಳೆ ಸುರಿಯೇ ಪಟಪಟ
ಮನಕಾನಂದ ಬಾಲೆಯಾಟ
ನೀರೊಡನೆ ಚೆಲ್ಲಾಟ
ಹಸಿರೊಡನೆ ತುಂಟಾಟ
ಕತ್ತಲಾಗುವ ಮೊದಲು
ಸೇರು ಅಮ್ಮನ ಮಡಿಲು
ಅದು ಪ್ರೀತಿಯ ಕಡಲು
ಮಮತೆ ತುಂಬಿದ ಒಡಲು
ಪಂಚಮ ವೇದಾ...
ಬಾಳ ಪುಟದಲಿ ತಿರುಗಳು ಹತ್ತಾರು
ನಡೆವ ದಾರಿಯಲ್ಲಿ ತಿರುವು ನೂರಾರು
ಜೀವನದ ತುಂಬಾ ನೆನಪಿನ ಕಾರುಬಾರು
ಬದುಕಿಗಾಗಿ ಸುತ್ತಬೇಕು ಊರೂರು
ಹುಡುಕಬೇಕಾಗಿದೆ ನೆಮ್ಮದಿಯ ಸೂರು
ಅದೆಲ್ಲಿದೆಯೋ ಸೊಬಗಿನ ತವರು
ಕೂಡಿಸಬೇಕಾಗಿದೆ ಕನಸುಗಳು ಚೂರು
ತೊಡಕುಗಳಿವೆ ಹತ್ತು ಹಲವಾರು
ಸಿಗುತಿಲ್ಲ ಅರಸಿದರೂ ಹನಿ ನೀರು
ಹರಡಿದೆ ಎಲ್ಲೆಲ್ಲೂ ಬೇಸರದ ಬೇರು
ಕಮರುತಿದೆ ಇಂದು ಸ್ನೇಹದ ಚಿಗುರು
ದೂರಾಗಿದೆ ಭಾವಗಳ ನವಿರು
ಬರಲಿ ಬೇಗ ಸಮಾಧಾನದ ನಿಟ್ಟುಸಿರು
ಬಾಳ ತುಂಬೆಲ್ಲ ತುಂಬಲಿ ಹಸಿರು
ಕರಗಿ ಹೋಗಲಿ ತುಂಬಿರು ಕೆಸರು
ಅಂತ್ಯಗೊಳ್ಳಲಿ ಬದುಕಿನೆಲ್ಲ ತಕರಾರು
ಪಂಚಮ ವೇದಾ....
