ಪ್ರಕೃತಿ

ಪ್ರಕೃತಿ ಮಾತೆ ಸಹಿಸುತಿಹಳು

ಎಲ್ಲ ಕಷ್ಟಕೋಟಲೆ..

ನಮ್ಮ ಬಾಳು ನರಕ ಸದೃಶ

ಅವಳು ಸಿಡಿದಳೆಂದರೆ..

ಉಸಿರು ಕೊಡುವ ಹಸಿರಿಗೆ

ಕೊಡಲಿ ಏಟು ಕೊಡುವರು..

ಜೀವಜಲಕೆ ವಿಷವ ಬೆರೆಸಿ

ಸಾಧನೆಯೆಂದು ಮೆರೆವರು..

ವಿನಾಶದ ಅಂಚಲ್ಲಿದೆ

ಪ್ರಾಣಿ-ಪಕ್ಷಿ ಸಂಕುಲ..

ಆಕ್ರೋಶದಿ ಕೂಗುತಿವೆ

ನಮದೂ ಅಲ್ಲವೇ ಈ ನೆಲ??

ಸಹನಾಮೂರ್ತಿ, ಕ್ಷಮಯಾಧರಿತ್ರಿ

ಈ ವಸುಂಧರೆ...

ವಿಷವನ್ನುಂಡು ಅಮೃತವನೇ

ನೀಡುತಿಹಳು ಸುಮ್ಮನೆ.. 

ಸಮೀಪಿಸುತಿದೆ ಕೇಡುಗಾಲ

ಮನುಜಕುಲಕೂ ಖಂಡಿತ..

ಇದನರಿತು ಸಂರಕ್ಷಿಸಿದರೆ ಪ್ರಕೃತಿಯ

ಸುಖದ ಕಾಲ ನಿಶ್ಚಿತ.