ಶುಕ್ರವಾರ, ಜುಲೈ 25, 2014

ಇನಿಯಾ,,


ಚುಮು ಚುಮು ಚಳಿಯಲಿ
ಸೂರ್ಯನ ಎಳೆಬಿಸಿಲ ಸ್ಪರ್ಶದಂತೆ
ಹಿತವೆನಿಸುವೆ ನೀನು..

ಸುಡುಬಿಸಿಲಿನಲ್ಲಿ ನಡೆವಾಗ ಆಸರೆಯಾಗುವ
ಹಸಿರು ಗಿಡದ ನೆರಳಂತೆ
ನನ್ನ ಬಾಳ ಹಸಿರು ನೀನು..

ಪ್ರತಿ ಹೆಜ್ಜೆಯ ಗೆಜ್ಜೆಯ ದನಿಯಲ್ಲಿ
ಬೆರೆತುಹೋದ
ಜೊತೆಗಾರ ನೀನು..

ನನ್ನ ಪ್ರತಿ ಕಣ್ಣೀರಿನ ಹನಿ
ನಸುನಗೆಯಲ್ಲೂ ಇಣುಕುವ
ಕಥೆಗಾರ ನೀನು..

ಉಸಿರಾಡುವ ಗಾಳಿಯಲ್ಲಿ ಬೆರೆತು
ನನ್ನ ಉಸಿರಾಗಿರುವ
ಜೀವದ ಜೀವ ನೀನು..

ತನುವಿಗೆ ತಂಪು ನೀಡುವ
ಮನಕೆ ಚೈತನ್ಯ ಕೊಡುವ
ತುಂತುರು ಮಳೆಹನಿ ನೀನು..

ಅಂದು - ಇಂದು

ಅವಳ ನಗುವಿಗೆ
ಸೋತು ಸೋತು
ಶರಣಾದೆ ಅಂದು..

ಅವಳ ಮಾತಿನ
ಮೋಡಿಗೆ
ಸೆರೆಯಾದೆ ಅಂದು..

ಅವಳ ಬಿಳಿ ಕೆನ್ನೆ,
ಕೆಂದುಟಿಯ ಕೆಂಪಿಗೆ
ಮರುಳಾದೆ  ಅಂದು..

ಅವಳ ಒಲವಿನಲಿ
ತೇಲಿ ಮೈಮರೆತು
ಮದುವೆಯಾದೆ ಅಂದು..

ಅವಳ ನಗುವಿನ
ಹಿಂದಿನ ಕಪಟ
ಅರಿವಾಯಿತು ಇಂದು..

ಪ್ರೀತಿಯ ಅರ್ಥ ತಿಳಿಯದ,
ಆಕರ್ಷಣೆಯ ಸೋಗಿನಲಿ
ಜೊತೆಯಾದ ಳೆಂದು ತಿಳಿಯಿತು ಇಂದು..

ನನ್ನ ಹೃದಯವನ್ನೇ
ಎಡಗಾಲಿನಲ್ಲಿ ಒದ್ದು ಹೋದಾಗ
ಅರಿತೆ ಮೋಸಗಾತಿ ಅವಳೆಂದು ..