ಇನಿಯಾ,,

ಚುಮು ಚುಮು ಚಳಿಯಲಿ

ಸೂರ್ಯನ ಎಳೆಬಿಸಿಲ ಸ್ಪರ್ಶದಂತೆ

ಹಿತವೆನಿಸುವೆ ನೀನು..

ಸುಡುಬಿಸಿಲಿನಲ್ಲಿ ನಡೆವಾಗ ಆಸರೆಯಾಗುವ

ಹಸಿರು ಗಿಡದ ನೆರಳಂತೆ

ನನ್ನ ಬಾಳ ಹಸಿರು ನೀನು..

ಪ್ರತಿ ಹೆಜ್ಜೆಯ ಗೆಜ್ಜೆಯ ದನಿಯಲ್ಲಿ

ಬೆರೆತುಹೋದ

ಜೊತೆಗಾರ ನೀನು..

ನನ್ನ ಪ್ರತಿ ಕಣ್ಣೀರಿನ ಹನಿ, 
ನಸುನಗೆಯಲ್ಲೂ ಇಣುಕುವ

ಕಥೆಗಾರ ನೀನು..

ಉಸಿರಾಡುವ ಗಾಳಿಯಲ್ಲಿ ಬೆರೆತು

ನನ್ನ ಉಸಿರಾಗಿರುವ

ಜೀವದ ಜೀವ ನೀನು..

ತನುವಿಗೆ ತಂಪು ನೀಡುವ

ಮನಕೆ ಚೈತನ್ಯ ಕೊಡುವ

ತುಂತುರು ಮಳೆಹನಿ ನೀನು..