ಆಸೆ

ಆಸೆ
ಬಾಳ ಕಡಲಲಿ ತೇಲಿ ಮೀಯುವ ಅರಸಂಚೆಯಾಗುವಾಸೆ
ಭುವಿಯ ಮೆರಗ ಹೆಚ್ಚಿಸುವ
ಹಸಿರ ಹೊದಿಕೆಯಾಗುವಾಸೆ

ಜುಳು ಜುಳು ಹರಿವ ನೀರಲಿ
ಮೀನಾಗಿ ಈಜುವಾಸೆ
ಬಾನ ರವಿಯ ಹೊಂಗಿರಣದಲಿ
ಸ್ಪುರಣ ಕಾಂತಿಯಾಗುವಾಸೆ

ಹಸುಕಂದನ ತುಟಿಯ ಮೇಲಿನ
ಕಿರು ನಗುವಾಗುವಾಸೆ
ಹಸಿರು ಚಿಗುರಿಲೆಯ ಮೇಲಿನ
ಮುತ್ತಿನ ಹನಿಯಾಗುವಾಸೆ

ಕಂಗೊಳಿಸುವ ತರುಲತೆಯಲಿ
ಸೌಗಂಧಿಕ ಪುಷ್ಪವಾಗುವಾಸೆ
ಬಾನೆತ್ತರಕೆ ಹಾರಿ ಕ್ಷಿತಿಜವದಲಿ
ಸೇರಿ ಬಣ್ಣದ ಹಕ್ಕಿಯಾಗುವಾಸೆ

ವೇದಾವತಿ ಭಟ್ಟ
ಮುಂಬೈ