ಕ್ಷಣಗಣನೆ

         ಕೊನೆವರೆಗೂ ನಿನ್ನ ಜೊತೆಯಾಗಿರಲು..

ನನ್ನೆ ನಾ ಮರೆತು ನೀನಾಗಿರಲು..

ನಿನ್ನ ತೋಳಲ್ಲಿ ಬಂಧಿಯಾಗಿರಲು..

ಹೃದಯ ಸಿಂಹಾಸನದಲ್ಲಿ ನಿನ್ನ ಮೆರೆಸಲು..

ಓ ಹುಡುಗಾ...

ಕಾದಿರುವೆ ನಿನಗಾಗಿ..

ತವಕ ಪುಳಕಗಳಲಿ ಮೈಮರೆಸು..

ಸಿಹಿಮುತ್ತುಗಳ ಮಳೆಸುರಿಸು..

ನಿನ್ನೆದೆಯ ಗೂಡಲ್ಲಿ ಬೆಚ್ಚಗಿರಿಸು..

ನನಸಾಗಿಸು ನನ್ನೆಲ್ಲ ಕನಸು..

ಓ ಹುಡುಗಾ...

ನೀ ಬೇಗ ಆಗಮಿಸು..

ಹನಿ ಮಳೆ ಭುವಿಯನ್ನು ತಂಪಾಗಿಸಿದಂತೆ..

ಚಂದ್ರನ ಬೆಳದಿಂಗಳು ಕಡಲ ಆವರಿಸಿದಂತೆ..

ಹಸಿರೆಲೆಗೆ ಮಂಜಿನ ಹನಿ ಮುತ್ತಿಟ್ಟಂತೆ..

ಹೂವು-ದುಂಬಿ ಜೊತೆಯಾದಂತೆ..

ಓ ಹುಡುಗಾ...

ನೀ ನನ್ನ ಜೀವ-ಜೀವನದ ಜೊತೆಯಾಗು..