ಜೀವಾನಿಲ
ಮನುಜನು ದಾಟಿದ ಸ್ವಾರ್ಥದ ಪರಿಮಿತಿ
ಐಷಾರಾಮಿ ಜೀವನಕಿಲ್ಲವಾಯ್ತು ಇತಿಮಿತಿ
ವಿನಾಶದ ಅಂಚಿನಲ್ಲಿ ಜೀವಿಗಳ ಸಂತತಿ
ಪರಿಸರ ನಾಶವು ಮೀರಿತು ತನ್ನಯ ಮಿತಿ
ಕುಡಿದುರುಳಿಸಿದ ದಟ್ಟವಾದ ಕಾನನ
ಕೆಡಿಸಿದ ಪ್ರಕೃತಿಯ ಸಮತೋಲನ
ಬಗೆದು ಕೆಡಿಸಿದ ಭುವಿಯೆಂಬ ನಂದನ
ಮೌಲ್ಯ ಬದಿಗಿಟ್ಟು ನಡೆಸಿದ ಜೀವನ
ದೇವರು ನೋಡಿ ಬೇಸತ್ತ ಮನುಜನಾಟ
ಶುರುವಾಯ್ತು ಸೂಕ್ಷ್ಮಾಣು ಜೀವಿಯ ಆಟ
ಜೀವಾನಿಲ ಸಿಗದೆ ಜಗಕಾಯ್ತು ಪರದಾಟ
ಜೀವಕಾಗಿ ಮಾಡಿದ ಮನುಜ ಹೋರಾಟ
ಮುಂದಾದರೂ ಅರಿತು ನಡೆದರೆ ಜೀವನ
ಸ್ವಾರ್ಥವನು ಬದಿಗಿಟ್ಟು ನಡೆದರೆ ಪಾವನ
ಕೊನೆಯಾಗಲಿ ಅತಿಯಾದ ನಗರೀಕರಣ
ಇನ್ನಾದರೂ ಬದುಕಾಗಲಿ ಸುಂದರ ನಂದನ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ