ಶನಿವಾರ, ಮೇ 22, 2021
ಜೀವನ ಪಯಣ
ಕರೆಯುತಿಹ ಕನಸುಗಳ
ಮರೆಯುತಿಹ ಮನಸುಗಳ
ಜೊತೆ ಓಡುತಿದೆ ಜೀವನ ಪಯಣ...
ನಾಳೆಗಳ ಭರವಸೆಯಲಿ
ನಿನ್ನೆಗಳ ನೆನಪಿನಲಿ
ನಡೆಯುತಿದೆ ಜೀವನ ಪಯಣ...
ಭಾವಗಳ ತೆರೆ ಮರೆಯಲಿ
ತಳಮಳದ ಅಲೆಯಲಿ
ತೇಲುತಿದೆ ಜೀವನ ಪಯಣ...
ಉಕ್ಕಿ ಬರುವ ಕಣ್ಣೀರ ಹನಿಯಲಿ
ಚಿಮ್ಮುವ ನಗೆ ಬುಗ್ಗೆಯಲಿ
ಸಾಗುತಿದೆ ಜೀವನ ಪಯಣ...
ನೋವುಗಳ ಮರೆಯುತಲಿ
ನಲಿವುಗಳ ಮೆಲುಕಿನಲಿ
ಓಲಾಡುತಿದೆ ಜೀವನ ಪಯಣ...
ಭಯದ ಕರಿ ನೆರಳಿನಲಿ
ಭರವಸೆಯ ಬೆಳಕಿನಲಿ
ಕಳೆಯುತಿದೆ ಜೀವನ ಪಯಣ...
ದುಃಖ ತರುವ ಸಾವಿನಲಿ
ಸಂಭ್ರಮದ ಹುಟ್ಟಿನಲಿ
ನಡೆಯುತಿದೆ ಜೀವನ ಪಯಣ...
ಇದಕ್ಕೆ ಸಬ್‌ಸ್ಕ್ರೈಬ್‌ ಆಗಿ:
ಕಾಮೆಂಟ್‌ಗಳನ್ನು ಪೋಸ್ಟ್ ಮಾಡಿ (Atom)
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ