ಬಣ್ಣಗಳ ಸಂಗಮ

ಬಣ್ಣ ಎರಚುವ ಹಬ್ಬವಿದು ಹೋಳಿ
ಎಲ್ಲೆಲ್ಲೂ ಬಣ್ಣದ ಚಿತ್ತಾರದ ಓಕುಳಿ
ವರ್ಷಕ್ಕೊಮ್ಮೆ ಬರುವುದು ಮರಳಿ
ಬೆಳೆದಿದೆ ಬಾಂಧವ್ಯದ ಸರಪಳಿ

ಮನದ ಭಾವನೆಗಳ ಸಮಾಗಮ
ಇದು ಹಲವು ಬಣ್ಣಗಳ ಸಂಗಮ
ನೆನಪಿಸುತ ರಾಧೆ-ಶ್ಯಾಮರ ಪ್ರೇಮ
ಹೋಳಿ ಈ ಓಕುಳಿ ಹಬ್ಬದ ನಾಮ

ರಂಗು ರಂಗಿನ ರಂಗ ಪಂಚಮಿ
ಬಣ್ಣದಿ ತುಂಬಿ ಹೋಗಿದೆ ಭೂಮಿ
ಇದುವೇ ನವ ಭಾವಗಳ ನವಮಿ
ದಹಿಸಲಿ ಎಲ್ಲ ಕಷ್ಟಗಳ ಸುನಾಮಿ

ಮಾಡುವರು ಜೊತೆಗೆ ಕಾಮನ ದಹನ
ಋತುವಿನ ರಾಜ ವಸಂತನ ಆಗಮನ
ಬಣ್ಣದ ರಂಗಿನಲಿ ಧರೆಯಿದು ನಂದನ
ಜಾತಿ ಬೇಧವ ಮರೆತು ಎಲ್ಲರ ಮಿಲನ

ವೇದಾವತಿ ಭಟ್ಟ
ಮುಂಬೈ