ಪಾರಿ

ನನ್ನಯ ಮುದ್ದಿನ ಗೊಂಬೆ ಪಾರಿ
ಇದುವೇ ನನ್ನಯ ಮೆಚ್ಚಿನ ಆಟಿಕೆ
ಗುಲಾಬಿ ಬಣ್ಣದ ನನ್ನಯ ಗೊಂಬೆ
ನಿಮಗೂ ಇದುವು ಆಡಲು ಬೇಕೇ?

ಪಾರಿ ಎಂಬ ಮುದ್ದಿನ ಗೊಂಬೆಯ
ಅಪ್ಪನು ಜಾತ್ರೆಯಿಂದ ತಂದಿಹನು
ಪಿಳಿ ಪಿಳಿ ಕಣ್ಣಿನ ಗೊಂಬೆಯ
ನನಗೆ ಆಡಲು ಜೊತೆ ಮಾಡಿಹನು

ಜರಿಯ ಲಂಗವನು ಧರಿಸಿರುವ
ಗೊಂಬೆಯ ಜೊತೆಗೆ ನನ್ನ ಊಟ
ಹೊಂಬಣ್ಣದ ಕೂದಲಿನ ಚೆಂದದ
ಗೊಂಬೆ ಇಲ್ಲದೆ ಆಗದು ಆಟ-ಪಾಠ

ಗೊಂಬೆಯ ಜೊತೆಗೆ ಆಡುವೆ
ಅಮ್ಮ-ಮಗುವಿನ ಆಟವನು
ತಲೆಯನು ಬಾಚಿ ಸ್ನಾನವ
ಮಾಡಿಸಿ ತಿನಿಸುವೆ ಊಟವನು

ಮುದ್ದಿನ ಗೊಂಬೆಯೇ ಪಾರಿ
ನೀ ಎಂದಿಗೂ ನನ್ನಯ ಗೆಳತಿ
ಮರೆಯಲಾರೆ ಎಂದೆಂದಿಗೂ
ನೀನೇ ಬಾಲ್ಯದ ಜೊತೆಗಾತಿ