ಮಧುರ ಬಾಲ್ಯ

ಮರೆಯಲಾಗದ ಮಧುರ ಬಾಲ್ಯ
ಇದಕೆ ಕಟ್ಟಲಾಗದು ನಿಖರ ಮೌಲ್ಯ
ಬಾಲ್ಯದ ಕ್ಷಣಗಳಿಗೆ ಅಲ್ಲವೂ ತುಲ್ಯ
ಮರಳಿ ಬರಬಾರದೇ ಆ ಬಾಲ್ಯ

ಸೀಬೆ ಹಣ್ಣು ಕದ್ದು ತಿಂದ ನೆನಪು
ಮರವನು ಹತ್ತಿ ಬಿದ್ದ ಹುರುಪು
ಸುತ್ತ ಇರುವ ಸ್ನೇಹಿತರ ಗುಂಪು
ಬಾಲ್ಯದ ನೆನಪು ಮನದಿ ಸೊಂಪು

ವರ್ಣಮಾಲೆ ಕಲಿತ ಮುದವು
ಶಾಲೆಯ ಮೊದಲ ದಿನದ ಭಯವು
ಮರೆಯದ ಗುರುಗಳ ಹೊಡೆತವು
ಮನಃ ಪಟಲದಿ ಹಸಿರು ನಿತ್ಯವು

ಕುಂಟೆ-ಬಿಲ್ಲೆ, ನೆಲ್ಲಿ ಕಾಯಿಯ ಸವಿ
ಸ್ವರ್ಗವು ಎಂದೂ ಬಾಲ್ಯದಿ ಭುವಿ
ಚಿಂತೆ, ಬಡತನ ಅಂದು ಗಿರವಿ
ಬಾಲ್ಯದ ನೆನಪಲಿ ಆದೆನು ಕವಿ