ಕಂದಾ

ಮುದ್ದು ಮೊಗದ ಹಸುಕಂದ
ನಿನ್ನಾ ನಗುವೇ ಬಲು ಚೆಂದ
ನೀ ನನ್ನ ಮನದ ಆನಂದ
ಜನ್ಮಾಂತರದ ಈ ಅನುಬಂಧ

ಕೃಷ್ಣನಾಗು ಯಶೋದೆಯಾಗುವೆ
ರಾಮನಾದರೆ ಕೌಸಲ್ಯೆಯಾಗುವೆ
ಗಣಪನಾದರೆ ನಾ ಗೌರಿಯಾಗುವೆ
ನಾ ನಿನ್ನಯ ಹಿಂದಿರುವೆ ಮಗುವೆ

ಅಭ್ಯಂಗ ಧಾರೆಯ ಮೈಗೆ ತೀಡುವೆ
ಜಲಧಾರೆಯಲಿ ಸ್ನಾನ ಮಾಡಿಸುವೆ
ಪ್ರೀತಿಯಲಿ ಕೈತುತ್ತನು ನೀಡುವೆ
ಯನ್ನ ಮಡಿಲಲಿ ಮಲಗು ಮಗುವೆ

ನನ್ನ ಜೀವದ ಜೀವವು ನೀನು
ಮನೆಯ ನಂದಾದೀಪವು ನೀನು
ಈ ಬಾಳ ಹಸಿರು ಉಸಿರು ನೀನು
ನಿನ್ನ ಕಂಠದ ಸ್ವರವು ಸವಿಜೇನು