ಹೆಣ್ಣಿನ ಬದುಕು

 

ಜೊತೆಗಿಹುದು ಕಾನೂನು ಸಂವಿಧಾನ
ಆದರೂ ನಿಲ್ಲದಿದು ನೋವಿನ ಯಾನ
ಶೋಷಣೆಯಲೇ ಕಳೆಯುತಿದೆ ಜೀವನ
ಹೆಣ್ಣಿನ ಭಾವನೆಗಳಿಗಿಲ್ಲವು ಸ್ಪಂದನ

ನಿಲ್ಲಲಿಲ್ಲ ಅತ್ಯಾಚಾರಿಗಳ ಅಟ್ಟಹಾಸ
ಮೊಳಗುತಿದೆ ದುರುಳರ ಮಂದಹಾಸ
ವಿಕೃತ ಮನಸುಗಳ ಮನದ ಸಂತಸ
ಶೋಷಣೆಗಿದೆ ಶತಮಾನದ ಇತಿಹಾಸ

ಆಗಲಿ ಅತ್ಯಾಚಾರಿಗಳಿಗೆ ಕಠಿಣ ಶಿಕ್ಷೆ
ನೀಡಬಾರದು ಮತ್ತೆ ಜೀವನದ ಭಿಕ್ಷೆ
ತೊಡುವ ನಾರಿಯ ಸಮ್ಮಾನದ ದೀಕ್ಷೆ
ಸಮಾಜದಿ ನೆಲೆಸಲಿ ಶಾಂತಿ ಸುಭೀಕ್ಷೆ

ನಾರಿಯ ಕಣ್ಣೀರು ಕೊನೆಯಾಗಲಿ
ಅತ್ಯಾಚಾರಿಗಳ ಬಾಳು ಅಂತ್ಯವಾಗಲಿ
ಸುಭದ್ರ ಸಮಾಜ ನಿರ್ಮಾಣವಾಗಲಿ
ಹೆಣ್ಣಿನ ಶೋಷಣೆ ಮುಕ್ತಾಯವಾಗಲಿ