ರೈತ

ದುಡಿಮೆ ಹೊಲದಿ ಬೆವರು ಸುರಿಸಿ
ನೆತ್ತರನು ಅಲ್ಪಸ್ವಲ್ಪ ಜೊತೆಗೆ ಬೆರೆಸಿ
ಮೂಳೆಯ ಪರಿಶ್ರಮವ ಹರಿಸಿ
ಬೆಳೆಯುವೆನು ನಾನು ಪುಟ್ಟ ಸಸಿ

ಹೊರುವೆ ಮೈತುಂಬ ಸಾಲವನು
ಬೆಳೆಯನೇ ನಂಬಿ ಬದುಕುವೆನು
ತಿಳಿಯೇ ಪ್ರಕೃತಿಯ ಆಟವನು
ಕಷ್ಟದಲೇ ನೂಕುವೆ ದಿನವನು

ಕೊಡುವೆ ಜಗದ ಜನಕೆ ಅನ್ನವನು
ಕೇಳರು ಯಾರೂ ನನ್ನ ಗೋಳನು
ಚಪ್ಪಲಿಯೂ ಇಲ್ಲದೆ ನಡೆವೆನು
ನನಗೂ ನೀಡಿ ಸಹಾಯವನು

ಇಲ್ಲ ಸರ್ಕಾರದ ಸಹಾಯ ಸವಲತ್ತು
ಓಟು ಕೇಳುವಾಗ ನನ್ನ ನೆನಪಿತ್ತು
ಎಲ್ಲರೂ ನಂಬಿಸಿ ಕೊಯ್ವರು ಕತ್ತು
ಸಾಗುತಿರುವೆ ಬದುಕ ನೊಗ ಹೊತ್ತು