ವಿಧಿ ಬರಹ
ದೈವವಿತ್ತ ಬದುಕು ಇದುವು
ತಿಳಿಯದು ವಿಧಿಯ ಆಟವು
ಹಂಚಿ ತಿನ್ನುವುದರಲೇ ಸುಖವು
ಇಲ್ಲ ಇವರಿಗೆ ಬೇರೆ ವೈಭವವು
ತುತ್ತಿಗಾಗಿ ಮಾಡುವ ಅಲೆದಾಟ
ನೆಲೆಗಾಗಿ ನಿತ್ಯವೂ ಹುಡುಕಾಟ
ಜೊತೆಗೆ ಉಳ್ಳವರು ಕೊಡುವ ಕಾಟ
ದೇವರೇ.. ಏನಿದು ನಿನ್ನಯ ಆಟ?
ಚಿಂದಿ ಆಯುವುದೇ ಬಾಲ್ಯವು
ಅದರಲಿ ದೊರೆತುದೇ ಅಮೂಲ್ಯವು
ಎಣ್ಣೆ ನೀರು ಕಾಣದ ಜೀವವು
ಸಿಕ್ಕಿದುದರಲೇ ಸಂತೃಪ್ತಿಯ ನಗುವು
ಜೊತೆಯಾಗಿಹರು ಇವರಿಬ್ಬರು
ನೋವು-ನಲಿವಲಿ ಒಬ್ಬರಿಗೊಬ್ಬರು
ಎಲ್ಲಿಹರೋ ಇವರನು ಹೆತ್ತವರು??
ಮುಗ್ಧತೆಯ ಲೋಕದಲಿ ಬರಿ ಇವರು...
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ