ಜೀವನ ಪಯಣ
ಎಂತಲಿಂದ ಎತ್ತ ಸಾಗಿತು ಬಾಳ ಪಯಣ
ಬರೀ ಕಷ್ಟಗಳ ಸಂಕೋಲೆಯಲಿ ಬಂಧನ
ಮರೀಚಿಕೆಯು ಸುಖ-ಸಂತಸಗಳ ಕ್ಷಣ
ನೋವುಗಳನೇ ಹಾಸಿ ಹೊದ್ದಿಹ ಜೀವನ
ಒಬ್ಬಂಟಿಯು ನಾನು ಹುಟ್ಟು-ಸಾವಿನಲಿ
ಬರುವರೆಲ್ಲ ಬಂಧು-ಬಳಗ ನಲಿವಲಿ
ಯಾರಿಗೆ ಯಾರಿಲ್ಲವು ಈ ಭುವಿಯಲಿ
ತಿರುಗಿಯು ನೋಡರೂ ಮುಪ್ಪಿನಲಿ
ಹೊಟ್ಟೆ ಪಾಡಿಗಾಗಿ ನಿರಂತರ ಅಲೆದಾಟ
ಬಾಳಿದು ಅನುದಿನವೂ ಜಂಜಾಟ
ಬಲ್ಲವರು ಯಾರು ಆ ಭಗವಂತನ ಆಟ
ಬೀರದಿರು ವಿಧಿಯೇ ನಿನ್ನ ಕ್ರೂರ ನೋಟ
ಹಣದ ಮುಂದೆ ಹೆತ್ತ ಮಕ್ಕಳು ದೂರ
ಮರ್ಕಟನೇ ನೀನಾಗಿರುವೆ ಜೊತೆಗಾರ
ಮುಗಿವುದೆಂದು ಭುವಿಯ ಋಣಭಾರ
ಸಾಕಾಗಿದೆ ಈ ಜೀವನವೆಂಬ ಸಂಸಾರ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ