ಹಸಿರಿನ ದೀಪ

ಹಚ್ಚುವ ನಾವು ಹಸಿರು ದೀಪ
ಕಡಿಮೆ ಮಾಡುವ ಪ್ರಕೃತಿ ತಾಪ
ಪ್ರಕೃತಿಯುಲಿ ದೇವರ ರೂಪ
ಬೇಡ ನಮಗೆ ಪ್ರಕೃತಿಯ ಕೋಪ

ಹಸಿರೇ ನಮ್ಮಯ ಉಸಿರು
ಕೆಡಿಸಿದಿರಿ ಭುವಿಯ ಬಸಿರು
ಕೈಕೆಸರಾದರೆ ಬಾಯಿಗೆ ಮೊಸರು
ಬೇಡ ನಮಗೆ ಬರಿಯ ಹೆಸರು

ಕಾಡಿನಿಂದಲೇ ನಾಡಿಗೆ ಉಳಿವು
ನೀಗುವುದು ಜೀವಿಯ ಹಸಿವು
ಹಸಿರಿನಿಂದಲೇ ನಮಗೆ ಬಲವು
ಮಾತೆ ನೀಗಿಸುವಳು ಎಲ್ಲ ನೋವು

ಕೊನೆಯಾಗಲಿ ಪ್ರಕೃತಿ ನಾಶ
ದೊರೆಯುವುದಾಗ ಸಂತೋಷ
ನಿಲ್ಲಲಿ ಜೀವಸಂಕುಲದ ವಿನಾಶ
ಸುರಿಯಲಿ ಧೋ ಎಂದು ವರ್ಷ

ಮಾಡುವ ಪ್ರಕೃತಿ ಸಂರಕ್ಷಣೆ
ಇದು ನಮ್ಮೆಲ್ಲರ ನೈಜ ಹೊಣೆ
ಬರದು ಆಗ ಮುಂದೆ ಬವಣೆ
ಇರಲಿ ಎಂದು ಪ್ರಕೃತಿಯ ಕರುಣೆ