ಮಹಿಳಾ ದಿನಾಚರಣೆ

ಮಹಿಳೆಯರ ದಿನಾಚರಣೆ
ಆಗದಿರಲಿ ಕೇವಲ ಆಚರಣೆ
ಇರಲಿ ಸಮ್ಮಾನದ ಹೊಣೆ
ಆಗಲಿ ಮಹಿಳೆಯರ ರಕ್ಷಣೆ

ಮನೆಯಲಿ ಮನೆಮಂದಿ ಕಿರುಕುಳ
ಹೊರಗೆ ಲೈಂಗಿಕ ಶೋಷಣೆಯ ಆಳ
ಎಲ್ಲರ ತಪ್ಪಿಗೂ ಹೆಣ್ಣಿಗೆ ಬೈಗುಳ
ಎಂದಿಗೆ ಕೊನೆ ಮಹಿಳೆಯ ಕಳವಳ

ಭಾಷಣದಿ ಮೀಸಲಾತಿ, ಸಮಾನತೆ
ಮುಗಿಯದು ಹೆಣ್ಣಿನ ಗೋಳಿನ ಕಥೆ
ನಿತ್ಯ ನೂತನವು ಶೋಷಣೆಯ ವ್ಯಥೆ
ಅತ್ಯಾಚಾರವೆಂಬುದು ಭೀಕರತೆ

ನೆನಪಿರಲಿ ಮಹಿಳೆ ಪುರುಷನ ಸಮಾನ
ಮಹಿಳೆಯರಿಗೂ ದೊರೆಯಲಿ ಸಮ್ಮಾನ
ಹಕ್ಕು-ಸ್ವಾತಂತ್ರ್ಯ ಸಿಗಲಿ ಅನುದಿನ
ಏಕೆ ಸಂಭ್ರಮ ಕೇವಲ ಒಂದು ದಿನ?

ವೇದಾವತಿ ಭಟ್ಟ
ಮುಂಬೈ