ಜೀವನ ಸಂತೆ

 ಜೀವನದ ಸಂತೆ

ಕ್ಷಣ ಕ್ಷಣಕೂ ಅನಿರೀಕ್ಷಿತಗಳು
ಸುಲಭವಲ್ಲ ಜೀವನವೆಂಬ ಸಂತೆ
ಬಾಳ ದಾರಿಯ ತುಂಬಾ
ಇಹುದು ಬರಿ ತಿರುವುಗಳ ಕಂತೆ

ಆಲೋಚಿಸಿ ಜಾಗೃತೆಯಲಿ ಇರಿಸು
ನೀ ಹೆಜ್ಜೆಯನು ಮುಂದಕೆ
ಅಪಾಯದ ಸೂಚನೆಯ ಕಡೆಗಣಿಸಿ
ನಡೆಯದಿರು ನೀ ಮುಂದಕೆ

ಸರಳ ಬದುಕನು ನಡೆಸು ಎಂದಿಗೂ
ಅತಿಯಾಸೆಯನು ಬಿಟ್ಟು ಬಿಡು
ನೀನು ಬದುಕಿ ಇತರಿರಿಗೂ
ಸುಖವಾಗಿ ಬದುಕಲು ಬಿಡು

ನಾಲ್ಕು ದಿನದ ಜೀವನದಲಿ
ಏಕೆ ನಿನಗೆ ಬರಿಯ ಧಾವಂತ
ನೀನು ನೀನಾಗಿಯೇ ಬದುಕು
ಸ್ವಾರ್ಥಗಳನು ಬಿಟ್ಟು ಜೀವಂತ

ಹೊರಗೆ ಹಾಕು ಮನದಲಿ
ತುಂಬಿರುವ ಎಲ್ಲ ರೀತಿಯ ಕಲ್ಮಷ
ನಿನ್ನ ಭಾವನೆಗಳಾಗಲಿ
ಹಾಲಿನಂತೆಯೇ ನಿಷ್ಕಲ್ಮಷ