ನಿಲ್ಲಲಿ ಶೋಷಣೆ

 ಬಂಡಾಯ ಕವನ

ಕಾರ್ಖಾನೆಯಲಿ ಬೆವರು ಹರಿಸಿ
ತೋಳ ಬಲವ ಬಂಡವಾಳವಾಗಿಸಿ
ಮೈಯ ಮೂಳೆಯನು ಸವೆಸಿ
ದುಡಿವ ನಮ್ಮ ಕಡೆ ಗಮನ ಹರಿಸಿ

ಅನ್ನ ಬಟ್ಟೆಗಾಗಿ ನಮ್ಮ ಶ್ರಮವೂ
ನಮ್ಮ ದುಡಿಮೆ ನಂಬಿಹ ಕುಟುಂಬವೂ
ಕೆಲಸ ಇಲ್ಲವಾದರೆ ಇಲ್ಲ ಊಟವೂ
ಶೋಕಿಗಾಗಿ ಅಲ್ಲ ನಮ್ಮ ಕೆಲಸವೂ

ನೀವು ಬೆಳೆಯಲು ಬೇಕು ನಾವುಗಳು
ನೀಡಿ ನಮಗೂ ನಮ್ಮ ಸೌಲಭ್ಯಗಳು
ಆಗಲಿ ಒಳ್ಳೆಯ ಬದಲಾವಣೆಗಳು
ದೂರಾಗಲಿ ಕಾರ್ಮಿಕರ ಬವಣೆಗಳು

ಬಡವರೆಂದು ಶೋಷಿಸದಿರಿ ನಮ್ಮನು
ನೀಡಿ ನಮಗೆ ನಮ್ಮಯ ಹಕ್ಕನು
ಜೊತೆಗೆ ನಮ್ಮ ಶ್ರಮಕೆ ಗೌರವವನು
ಹಸನುಗೊಳಿಸಿ ನಮ್ಮ ಬದುಕನು

ನವಪರ್ವ ಫೌಂಡೇಶನ್ : ಉತ್ತಮ ಸ್ಥಾನ 
27/07/2020