ಗುರುಮಾತೆ

ನನ್ನಯ ಮೊದಲ ಗುರುಮಾತೆ
ಅವಳು ನನಗೆ ಜನನಿಯಂತೆ
ತೋರಿದಳು ಪ್ರೀತಿ ಮಮತೆ
ವಿದ್ಯೆ ಕಲಿಸಿದ ಜ್ಞಾನದಾತೆ

ಅಕ್ಷರಮಾಲೆ ಕಲಿಸಿದವಳು
ತಪ್ಪು ತಿದ್ದಿ ಬೆಳೆಸಿದವಳು
ನೀತಿ ಕಥೆಯ ಹೇಳಿದವಳು
ಕರುಣೆಯ ಕಡಲು ಇವಳು

ಬಿದ್ದಾಗ ಕೈಹಿಡಿದು ಎತ್ತಿದವಳು
ನಾ ಗೆದ್ದಾಗ ಸಂಭ್ರಮಿಸಿದವಳು
ಊಟ ಮಾಡಿಸಿದ ತಾಯಿ ಇವಳು
ವಿಶಾಲ ಮಾತೃ ಹೃದಯದವಳು

ಪದಗಳಿಗೆ ನಿಲುಕದ ಶಕ್ತಿ ಇವಳು
ಮನಕೆ ಧೈರ್ಯ ತುಂಬಿದವಳು
ಜೀವನದ ದಾರಿ ತೋರಿದವಳು
ಸತ್ಯ ಮಾರ್ಗದಿ ನಡೆಸಿದವಳು