ಆಧುನಿಕ ಜೀವನ

ಕೋಟಿ ರೂಪಾಯಿ ಕಾಂಕ್ರೀಟು
ಮನೆಗೆ ಒಡೆಯನು ನಾನು
ತುಂಬಿಹುದು ಬಗೆ ಬಗೆಯ
ಕಾರು, ಎಸಿ, ಸೋಫಾ, ಫ್ಯಾನು

ದುಬಾರಿ ಬೆಲೆಗೆ ಸಿಗುವುದು
ರಾಸಾಯನಿಕ ಮಿಶ್ರಿತ ನೀರು
ಗಾಳಿಯಲೂ ತುಂಬಿಹುದು
ಕಷ್ಮಲ ಶುದ್ಧವಿಲ್ಲವೂ ಚೂರು

ಆಧುನಿಕತೆಯ ಭರದಲಿ
ನಾಶವಾಗಿದೆ ಹಸಿರು
ಜನಜಂಗುಳಿಯ ನಗರ
ಕಲುಷಿತತೆಯ ತವರು

ಜೀವನವು ಆಗಿದೆ ಸರಳ
ಕವಲೊಡೆದ ದಾರಿ
ಬೆರಳ ತುದಿಯಲೇ ಬೇಕೆಲ್ಲ
ಜನರಾಗಿಹರು ಸೋಮಾರಿ

ಮನೆ ಕೆಳಗಿಳಿದರೆ
ಸಿಗುವುದು ಎಲ್ಲ
ಏನು ಮಾಡುವುದು
ನೆಮ್ಮದಿಯೇ ಇಲ್ಲ